Rusiyanın Ufa şəhərində gənc güləşçilərin dünya çempionatı davam edir.
Qaynarinfo xəbər verir ki, dördüncü yarış günündə 3 qadın güləşçimiz mübarizəyə qoşulub. Təmsilçilərimizdən Elnurə Məmmədova təsnifat mərhələsində monqolustanlı həmkarına məğlub olub. Yarışa 1/4 finaldan qoşulan Birgül Soltanova Qırğızıstan güləşçisiylə gərgin keçən görüşdən qalib ayrılaraq adını yarımfinala yazdırıb. Finalın bir addımlığında Hindistan güləşçisi ilə qarşılaşan Birgül 5:0 hesabıyla öndə olsa da, yekunda üstünlüyü əldən verib və ümidini bürünc medala bağlamaq məcburiyyətində qalıb.
İlk görüşündə Macarıstan idmançısına "tuşe" ilə qalib gələn Nigar Mirzəzadə isə 1/4 finalda Rumıniya təmsilçisinə uduzub.
Medal qarşılaşmaları avqustun 20-də Bakı vaxtı ilə saat 17:00-da başlayacaq.
Səbuhi Həsənov
