Bakı Nəqliyyat Agentliyi tərəfindən sürücülərə yazılmış cərimələr qanunsuzdur.
Qaynarinfo xəbər verir ki, söhbət kameralar vasitəsi ilə yazılan cərimələrdən gedir.
Nəqliyyat eksperti Elməddin Muradlı "Xəzər Xəbər"ə bildirib ki, kameralar vasitəsi ilə cərimələrin yazılması təxminən bir aydır qüvvəyə minib.
"Bu səbəbdən də BNA-nın son bir aya kimi yazdığı cərimələrin heç bir qanuni əsası yoxdur”.
Nəqliyyat eskperti qeyd edib ki, hazırda bu cərimələrdən problem yaşayan yüzminlərlə sürücü var. Onlar istər avtomobilin alqı-satqısı, istərsə də texniki baxış zamanı bu cərimələri ödəmək məcburiyyətində qalırlar.
