"Ermənilər
Azərbaycanın böyük iqtisadi layihələrini sıradan çıxarmağı qarşılarına məqsəd
qoyublar”.
BunuQaynarinfo-ya açıqlamasında politoloq Qabil Hüseyinli Ermənistan silahlı qüvvələrinin
Yevlax rayonunda Bakı-Tbilisi-Ceyhan neft kəmərini vurmaq cəhdini şərh edərkən
deyib. Politoloq qeyd edib ki, ermənilər yaxşı başa düşürlər ki, Azərbaycanın gəlirlərinin
böyük hissəsi Bakı-Tbilisi-Ceyhan neft kəmərindən gəlir:
"Üstəlik
onun yaxınlığında TANAP Qaz layihəsi də var. Ermənilər Azərbaycanın böyük
iqtisadi layihələrini sıradan çıxarmağı qarşılarına məqsəd qoyublar. Amma bu,
ermənilərin özü üçün çox təhlükəlidir. Çünki Bakı-Tbilisi-Ceyhan neft kəməri təkcə
bizim deyil, onun operatoru Amerika-İngiltərəyə məxsus olan BP-şirkətidir. Həmin
kəmərlər Amerikanın süni peykləri vasitəsi ilə izlənilir. Bu nöqteyi-nəzərdən kəmərin
vurulması elə də asan deyil”.
Qabil
Hüseyinlinin fikrincə, Bakı-Tbilisi-Ceyhan layihəsinə ziyan dəyərsə, bu, ermənilərinə
qarşı Avropa dövlətlərinin, xüsusu ilə də Amerika-İngiltərənin nifrətini birə beş
artıracaq:
"Bu
baxımdan Avropa dövlətləri heç zaman istəməzlər ki, bu kəmərə ziyan dəysin.
İkinci bir tərəfdən isə Bakı-Tbilisi-Ceyhan ciddi şəkildə qorunur. Əgər belə
bir hadisə baş verərsə, bunun cəzası çox ağır olacaq. Bu Ermənistanı tamamilə məhv
edə, batıra bilər. Onları bu işə sövq edən ruslardır. Onların özünə qarşı da
ağır cəzalar görülə bilər”.
Qeyd
edək ki, Ermənistan silahlı qüvvələri Yevlax rayonunda Bakı-Tbilisi-Ceyhan neft
kəmərini vurmağa cəhd göstərib.
Bahar
Rüstəmli
