“Gyunel” moda evinin sahibi Günel Rüstəmova dəb və səyahət saytı olan “suitcasemag”a müsahibə verib.
“Qafqazinfo” xəbər verir ki, gənc dizayner müsahibəsində rəssamlığın ona genetik olaraq keçdiyini bildirib: “Mənim anam çoxlu rəsmlər çəkir və bu istedadını mənə də ötürüb. Nənəm kitabxanaçı olsa da, hobbisi xalça toxumaqdır. O, gündə 8-9 saatını toxumağa sərf edə bilər, baxmayaraq ki, kürək ağrıları var. Mən sənət üçün əzab çəkə biləcək qadınlarla böyümüşəm. Düşünürəm ki, bu mənim DNK-dadır, genetic olaraq ötürülüb”.
Bakıda ən sevdiyi məkana gəlincə, qədim şəhərdə yerləşən şair Əliağa Vahidin heykəlini deyir: “Mən dəli kimi onun ətrafında saatlarla fırlanırdım”.
G.Rüstəmovanın fikrincə,Bakı alternativ dəb şəhəri ola bilər: “Bunun üçün potensial var. Mən Azərbaycan İncəsənət Akademiyasında mühazirə deyəndə texniki və yaradıcı cəhətdən çoxlu istedadlı dizaynerlər gördüm və arzu edirəm ki, bu sənaye orada da inkişaf etsin”.
Qaynar.info
