Ali təhsil müəssisələrinə qəbul olmaq üçün ixtisaslar üzrə müsabiqə şərtlərini Təhsil Nazirliyi ilə razılaşdırmaqla müəyyən edir.
Dövlət İmtahan Mərkəzindən "Qaynarinfo"ya verilən məlumata görə, müsabiqə şərtləri ilə əlaqədar Təhsil Nazirliyinin 13.07.2017-ci il tarixli məktubuna əsasən 2017/2018-ci tədris ili üçün bəzi ali təhsil müəssisələrində müəyyən ixtisaslar üzrə ayrılan yerlərin müsabiqəsinə ümumi balı 150-dən az olmayan (fənlər üzrə nisbi bal məhdudiyyəti tətbiq olunmur) abituriyentlərin buraxılması nəzərdə tutulub.
Aşağıdakı cədvəllərdə həmin ixtisaslar, onların tədris olunacağı ali təhsil müəssisələri, eləcə də hər bir ixtisas qrupu üzrə ümumi müsabiqə şərtləri ilə tanış ola bilərsiniz.
Qeyd edək ki, ixtisas seçimi iyulun 29-dan avqustun 10-dək həyata keçiriləcək və yaxın günlərdə nəşr olunacaq "Abituriyent" jurnalının 4-cü sayında ixtisas seçimi haqqında elan, müsabiqə şərtləri, qəbul aparılan ixtisaslar və s. haqqında ətraflı məlumat veriləcək.
Müsabiqə şərtləri:
Aşağıdakı cədvəllərdə qeyd olunan ixtisaslar və ali təhsil müəssisələri üzrə ödənişli əsaslarla ayrılmış yerlərin müsabiqəsinə ümumi balı 150-dən az olmayan abituriyentlər buraxılır (fənlər üzrə nisbi bal məhdudiyyəti tətbiq olunmur):
I ixtisas qrupu üzrə:
Torpaqşünaslıq və aqrokimyaLənkəran Dövlət Universiteti
MeşəçilikLənkəran Dövlət Universiteti, Qərb Universiteti
AqronomluqLənkəran Dövlət Universiteti
Meliorasiya və su təsərrüfatı tikintisi mühəndisliyiNaxçıvan Dövlət Universiteti
Texnologiya müəllimliyiNaxçıvan Dövlət Universiteti, Gəncə Dövlət Universiteti
Nəqliyyatda daşımaların və idarəetmənin təşkili mühəndisliyiAzərbaycan Texnologiya Universiteti
Meşə materiallarının və ağac emalının texnologiyası mühəndisliyiQərb Universiteti
Çoxişlənən malların texnologiyası mühəndisliyiAzərbaycan Texnologiya Universiteti, Azərbaycan Kooperasiya Universiteti
İstehlak mallarının ekspertizası və marketinqiAzərbaycan Texnologiya Universiteti, Azərbaycan Kooperasiya Universiteti, Qərb Universiteti, Azərbaycan Dövlət, Aqrar Universiteti
Poliqrafiya mühəndisliyiQərb Universiteti
II ixtisas qrupu üzrə:
MarketinqAzərbaycan Texnologiya Universiteti, Mingəçevir Dövlət Universiteti, Azərbaycan Kooperasiya Universiteti, Azərbaycan Universiteti, Xəzər Universiteti, "Odlar Yurdu" Universiteti, Bakı Biznes Universiteti, Azərbaycan Dövlət Aqrar Universiteti
KommersiyaAzərbaycan Kooperasiya Universiteti
Regionşünaslıq (regionlar üzrə)Qərb Universiteti, Xəzər Universiteti, Bakı Avrasiya Universiteti
Turizm və otelçilik Naxçıvan Dövlət Universiteti, Gəncə Dövlət Universiteti, Mingəçevir Dövlət Universiteti, Lənkəran Dövlət Universiteti, Bakı Dövlət Universitetinin Qazax filialı, Azərbaycan Dövlət İqtisad Universitetinin Zaqatala filialı, Azərbaycan Kooperasiya Universiteti, Qərb Universiteti, Xəzər Universiteti, "Odlar Yurdu" Universiteti, Naxçıvan Universiteti
III ixtisas qrupu üzrə:
Muzeyşünaslıq, arxiv işi və abidələrin qorunmasıNaxçıvan Dövlət UniversitetiLənkəran Dövlət Universiteti
Sosial işNaxçıvan Dövlət Universiteti, Gəncə Dövlət Universiteti, Bakı Dövlət Universitetinin Qazax filialı, Azərbaycan Universiteti, Azərbaycan Əmək və Sosial Münasibətlər Akademiyası
IV ixtisas qrupu üzrə:
BaytarlıqLənkəran Dövlət Universiteti
EkologiyaLənkəran Dövlət Universiteti, Azərbaycan Kooperasiya Universiteti
Xatırladaq ki, ixtisas qrupları üzrə ümumi müsabiqə şərtləri isə aşağıdakı formadadır:
I və IV ixtisas qrupları üzrə müsabiqəyə ümumi balı 200-dən, hər hansı bir imtahan fənni istisna olmaqla qalan dörd imtahan fənninin hər biri üzrə ayrılıqda topladığı nisbi balı 10-dan az olmayan (dövlət sifarişi əsasında ayrılan yerlər üzrə ümumi balı 250-dən və hər bir imtahan fənni üzrə ayrılıqda topladığı nisbi balı 10-dan az olmayan) abituriyentlər buraxılır;II və III ixtisas qrupları üzrə isə müsabiqəyə ümumi balı 200-dən, hər hansı bir imtahan fənni istisna olmaqla qalan dörd imtahan fənninin hər biri üzrə ayrılıqda topladığı nisbi balı 10-dan az olmayan (dövlət sifarişi əsasında ayrılan yerlər üzrə ümumi balı 300-dən və hər bir imtahan fənni üzrə ayrılıqda topladığı nisbi balı 10-dan az olmayan) abituriyentlər buraxılır.
Qaynarinfo.Az
