Bakı şəhəri, Səbail rayonunda Dənizkənarı Milli Parkın ərazisində 1 nəfər ruhi xəstə kişi özünü dənizə atıb.
Qaynar.info-nun Fövqəladə Hallar Nazirliyinin (FHN) saytına istinadən məlumatına görə, dərhal hadisə yerinə cəlb edilən nazirliyin dalğıc-xilasediciləri həmin şəxsi sudan çıxarıb və aidiyyəti üzrə təhvil verib.
Qeyd edək ki, Dənizkənarı Milli Parkın ərazisində belə intihar hadisələrinə tez-tez rast gəlinir. Statistik məlumatlara görə, özlərini dənizə atmaq istəyənlər arasında sevgilisindən ayrı düşənlər, ruhi xəstələr və yaxud ciddi maddi problemi olanlar üstünlük təşkil edir. Qaynar.info
