Buraxılış imtahanlarına Azərbaycan dilindən dinləmə mətni əlavə olunacaq?

Bu barədə Dövlət İmtahan Mərkəzindən azedu.az-a bildirilib. Verilən məlumata görə, yayılan fikirlər həqiqəti əks etdirmir. Lakin adıçəkilən fənn üzrə gələcəkdə dinləmə mətnlərindən istifadə oluna bilər.

Qeyd edək ki, sosial şəbəkələrdə DİM-in nəşr etdirdiyi vəsaitdə Azərbaycan dilindən dinləmə mətnlərinin olduğuna və bu il buraxılış imtahanlarında bu mətnlərdən istifadə olunacağına dair xəbərlər yayılıb.