Dünyanın 52 ölkəsindən 285 idmançının qatıldığı və Fransanın paytaxtı Parisdə keçirilən "Böyük Dəbilqə" turnirinə yekun vurulub.
Cüdo Federasiyasından Qaynarinfo-ya verilən məlumata görə Azərbaycanı turnirdə 6 cüdoçu təmsil edib. Baş məşqçi Mövlud Mirəliyevin rəhbərlik etdiyi kişilərdən ibarət yığma komandamızın üzvləri müxtəlif çəki dərəcələrində qüvvələrini sınayıb. İdmançılarımızdan Kəramət Hüseynov -60, Rüstəm Orucov və Hidayət Heydərov -73, Məmmədəli Mehdiyev -90, Zelim Kotsoyev - 100, Uşanqi Kokauri isə +100 kq çəki dərəcəsində mübarizə aparıb.
Yarışın ikinci günündə cüdoçularımız Məmmədəli Mehdiyev və Uşanqi Kokauri gümüş medallara sahib olublar. Bununla da Azərbaycan yığma komandası "Böyük Dəbilqə" turnirini 7-ci yerdə başa vurub.
Növbəti "Böyük Dəbilqə" turniri 17-19 fevral, 2022-ci il tarixlərində İsrailin paytaxtı Təl-Əviv şəhərində keçiriləcək.
Səbuhi Həsənov
