UEFA Çempionlar Liqasının qrup mərhələsində III tura yekun vurulub.
Qaynarinfo məlumatına görə, son oyun günü qol baxımından yüksək məhsuldarlıqla əlamətdar olub. 8 qarşılaşmada qapılara ümumilikdə 27 top vurulub.
Gecənin ən bolqollu görüşləri G qrupuna təsadüf edib. "Mançester Siti" İngiltərədə Danimarka "Kopenhagen"inə 5 cavabsız qolla qalib gəlib. "Sevilya" isə İspaniyada Almaniyanın "Borussiya" (Dortmund) klubuna 1:4 hesabı ilə uduzub.
E qrupunda "Çelsi" İngiltərədə İtaliya "Milan"ını darmadağın edib.
F qrupunda turnirin son qalibi "Real Madrid" İspaniyada Ukraynanın "Şaxtyor" (Donetsk) komandasını minimal hesabla üstələyib.
H qrupunda "Yuventus" İtaliyada İsrailin "Makkabi" (Hayfa) klubundan güclü olub. "Benfika" isə Portuqaliyada Fransa çempionu PSJ ilə heç-heçə edib.
Çempionlar Liqası
Qrup mərhələsi, III tur
5 oktyabr
E qrupu
"Zaltsburq" (Avstriya) - "Dinamo" (Zaqreb, Xorvatiya) 1:0
Qol: Noa Okafor, 71 (penalti).
"Çelsi" (İngiltərə) - "Milan" (İtaliya) 3:0
Qollar: Vesle Fofana, 24. Pyer-Emerik Obameyanq, 56. Ris Ceyms, 62.
F qrupu
"Leyptsiq" (Almaniya) - "Seltik" (Şotlandiya) 3:1
Qollar: Kristofer Nkunku, 27. Andre Silva, 64; 77 - Juan Filipe, 48.
"Real Madrid" (İspaniya) - "Şaxtyor" (Donetsk, Ukrayna) 2:1
Qollar: Rodriqo, 13. Vinisius Junior, 28 - Aleksandr Zubkov, 39.
G qrupu
"Mançester Siti" (İngiltərə) - "Kopenhagen" (Danimarka) 5:0
Qollar: Erlinq Holann, 7; 32. David Xoçolava, 39 (avtoqol). Riyad Mahrez, 55 (penalti). Xulian Alvares, 76.
"Sevilya" (İspaniya) - "Borussiya" (Dortmund, Almaniya) 1:4
Qollar: Yussuf En-Neseri, 51 - Rafael Gerreyro, 6. Cud Bellingem, 41. Kərim Adeyemi, 43. Yulian Brandt, 75.
H qrupu
"Yuventus" (İtaliya) - "Makkabi" (Hayfa, İsrail) 3:1
Qol: Adrian Rabyo, 35. Duşan Vlahoviç, 50 - Din David, 75.
"Benfika" (Portuqaliya) - PSJ (Fransa) 1:1
Qollar: Danilo, 41 (avtoqol) - Lionel Messi, 22.
