Çempionlar Liqasının finalını idarə edəcək hakimlər briqadası müəyyənləşib.
Qaynarinfo xəbər verir ki, bu barədə UEFA-nın rəsmi saytında məlumat yer alıb. Belə ki, final matçını fransalı referi Klement Turpin idarə edəcək. Onun köməkçiləri Nikolas Danos və Siril Qrinqor olacaq. 4-cü hakim funksiyasını Benoit Bastyen yerin yetirəcəksə, Jerom Brisard, Villi Delayod, Massimiliano İrrati və Filippo Melli VAR-a nəzarət edəcək.
Turpin ötən il "Vilyareal"la, "Mançester Yunayted" arasında keçirilən Avropa Liqasının final matçında da fit çalmışdı.
Mayın 28-də keçiriləcək ÇL-in final matçında "Liverpul" (İngiltərə) və "Real" (İspaniya) üz-üzə gələcək.
Səbuhi Həsənov
