Rusiyanın Orenburq şəhərində cüdo üzrə Avropa kuboku yarışı keçirilib.
Cüdo Federasiyasından Qaynarinfo-ya verilən məlumata görə Beynəlxalq yarışda Rusiya, Belarus, Qazaxıstan, Xorvatiya, Moldova, Tacikistan, Sloveniya, Qırğızıstan, Finlandiya, Niderland, Estoniya, İtaliya, Lüksemburq təmsilçiləri ilə yanaşı Azərbaycan cüdoçuları da mübarizə aparıblar.
Ümumilikdə qitə kuboku uğrunda 14 ölkədən 198 cüdoqi ustası qüvvəsini sınayıb. Azərbaycan cüdoçuları beynəlxalq turnirdə iki medal qazanıblar. Nurlan Osmanov (-73 kq) gümüş, İmran Yusifov (+100 kq) bürünc medala sahib olub.
Səbuhi Həsənov
