Braziliyanın ev sahibliyi etdiyi dünya çempionatı davam edir. Fanat.az xəbər verir ki, bu gecə iki oyun keçirilib.
Əvvəlcə Belçika və Əlcəzair qarşılaşıb. Avropa təmsilçisi afrikalılar üzərində 2:1 hesablı qələbə qazanıb.
Bundan sonra II tura start verilib. A qrupunda yer alan meydan sahibi Braziliya Meksikanı sınağa çəkib. Braziliya ilk turda Xorvatiyanı (3:1), Meksika Kamerunu (1:0) udmuşdu. Cüneyt Çakırın başçılıq etdiyi türk hakimlər briqadasının idarə etdiyi bu günkü matçda isə qalib müəyyənləşməyib - 0:0.
Qeyd edək ki, saat 03.00-da isə H qrupunun ikinci matçı oynanılacaq. Bu dəfə şimal qonşumuz Rusiya Cənubi Asiya təmsilçisi Cənubi Koreya ilə münasibətlərini aydınlaşdıracaq.
DÇ-2014
Qrup mərhələsi
18 iyun
H qrupu
21.00 Belçika - Əlcəzair 2:1
Qollar: Marouane Fellaini, 70. Dries Mertens, 80 - Sofiane Feqhouli, 24-pen.
A qrupu
Braziliya - Meksika 0:0
Qaynar.info
