Məmmədova Səhiyyə Nazirliyinin mətbuat xidmətinin əməkdaşı idi.
Daxili İşlər Nazirliyi Səhiyyə Nazirliyinin əməkdaşının ölümü ilə nəticələnən yol qəzası ilə bağlı məlumat yayıb.
Qaynar.info-nun nazirliyin saytına istinadən verdiyi məlumata görə, yanvarın 9-da saat 9:00 radələrində Suraxanı rayonu Hövsan qəsəbəsinin ərazisində qəsəbə sakini Rafiq Məmmədov idarə etdiyi “Hyundai” markalı avtomobili kanala aşırıb.
Nəticədə R.Məmmədovun sərnişini - bacısı Pərvanə Məmmədova hadisə yerində ölüb, özü isə xəstəxanaya yerləşdirilib.
Qeyd edək ki, qəza zamanı dünyasını dəyişən P.Məmmədova Səhiyyə Nazirliyinin mətbuat xidmətinin, qardaşı R.Məmmədov isə İTV-nin əməkdaşıdır.
Qaynar.info
