Dünya çempionatları tarixinin ən çox qol vuranları

Qaynarinfo xəbər verir ki, fransalı Lusyen Larenin 1930-cu ildə dünya çempionatlarında vurduğu ilk qoldan bəri, 1250-dən çox futbolçu final turnirlərində fərqlənib. Onlardan yalnız 97-si beş və ya daha çox qola imza atıb.

İlk yarışın ən çox qol vuran oyunçusu argentinalı Gilyermo Stabile (8 qol) olub. O vaxtdan bəri yalnız 22 oyunçu Stabilenin 1930-cu ildə keçirilən turnirdə vurduğu qollardan daha çoxunu rəqib qapılarından keçirməyi bacarıb. Həmin futbolçulardan biri macarıstanlı Şandor Koçişdir. O, 1954-cü ildə keçirilən yarışda 11 qola imza atıb. Növbəti turnirdə fransalı Cast Fontain cəmi altı oyun ərzində vurduğu 13 qolla bu rekordu yaxşılaşdırıb.

Almaniya futbolunun əfsanəsi Herd Müller 1970-ci ildə 10 qola imza atıb. Daha sonra o, Qərbi Almaiyanın çempion olduğu 1974-cü ilin dünya çempionatının finalında, 14-cü qolunu vurmaqla ümumi rekordu qırıb. Onun rekordu Ronaldonun 1998-2006-cı illər arasında Braziliya millisində vurduğu 15 qola qədər - otuz ildən çox davam edib. Almaniya millisinin sabiq hücumçusu Miroslav Kloze isə 2002-2014-cü illər arasında keçirilən ardıcıl dörd mundialda 16 qol vuraraq yeni rekord müəyyənləşdirib. Həmin vaxtdan bəri hələ ki, Klozenin rekordunu yeniləyən yoxdur.

Dünya Kuboku finallarında oynamış bütün oyunçulardan yalnız 6-sı hər oyunda orta hesabla iki və ya daha çox qol vurub. Bunlar Koçsis, Fontain, Stabile, rusiyalı Oleq Salenko, isveçrəli Josef Hügi və polşalı Ernst Vilimovskidir. Sonuncu 1938-ci ildə keçirilən dünya çempionatında dörd qol vurmuşdu.

Ən çox qol vuran 97 oyunçu 28 ölkəni təmsil edib. Onlardan 14-ü Braziliya, eyni sayda Almaniya və ya Qərbi Almaniya yığmalarının üzvləridir.

Ümumilikdə dünya çempionalarında fərqlənən futbolçuların 64-ü Avropa, 29-u Amerika və yalnız 4-ü başqa qitələrin ölkələrindən (Kamerun, Qana, Avstraliya, ABŞ) olub.

Mundial tarixinin bombardirlərinin siyahısı isə aşağıdakı kimidir:

Miroslav Kloze (Almaniya) - 16

Ronaldo (Barziliya) - 15

Herd Müller (Almaniya) - 14

Cast Fontain (Fransa) - 13

Pele (Braziliya) - 12

Şandor Koçis (Macarıstan) - 11

Yurgen Klinsman (Almaniya) - 11

Helmut Rahn (Qərbi Almaniya)- 10

Hari Lineker (İngiltərə) - 10

Qabriel Batistuta (Argentina) - 10

Teofil Kubillas (Peru) - 10

Tomas Müller (Almaniya) - 10

Qreqorz Lato (Polşa) - 10

Eysebio (Portuqaliya) - 9

Kristian Vyeri (İtaliya) - 9

Vava (Braziliya) - 9

David Vilya (İspaniya) - 9

Paolo Rossi (İtaliya) - 9

Jairzinyo (Braziliya) - 9

Roberto Bakko (İtaliya) - 9

Karl-Haynz Rummenigge (Qərbi Almaniya) - 9

Uve Siler (Qərbi Almaniya) - 9