Bu gün AFFA Futbol Mərkəzində yerləşən Milli Komandaların Məşq Mərkəzində müxtəlif illərdə keçmiş SSRİ-nin gənclərdən ibarət yığma komandalarının heyətində dünya və Avropa çempionu olmuş Arif Əsədov, Vladislav Qədirov və Tərlan Əhmədov 17 yaşadək futbolçulardan ibarət Azərbaycan yığma komandası (U-17) ilə görüşüblər.
Qaynarinfo.az xəbər verir ki, komandanın hazırlıq prosesi ilə tanış olan qonaqlar sonda öz təcrübələrini futbolçularla bölüşüb, müvafiq tövsiyələrini veriblər.
Qeyd edək ki, Arif Əsədov SSRİ U-16-sı ilə dünya (1987), U-17 ilə Avropa çempionu olub (1988). Tərlan Əhmədov isə 1990-cı ildə SSRİ-nin gənclər yığması (U-21) ilə Avropa çempionluğu sevincini yaşayıb. Vladislav Qədirov isə 1988-ci ildə SSRİ-nin yeniyetmələrdən ibarət komandası ilə dünya çempionu olub.
Qaynarinfo.az
