Dünyada ilk ekoloji avtomobil yolu İspaniyada istfadəyə verilib.
365.Az-ın verdiyi xəbərə görə, mütəxəssislər bildirir ki, kauçuk və plastmasdan hazırlanan bu yol adi asvalt yollardan daha uzunömürlüdür və onu Bakıda etdikləri kimi, tez-tez dəyişməyə ehtiyac yoxdur.
Avropada hər il 3 milyon ədəddən artıq avtomobil şini zibilliklərə atılır. Hər bir avropalı isə il ərzində 100 kq-dan artıq plastması tullantıya çevirir. Bütün bunlar isə zibilliklərdə yandırılarkən atmosfer əhəmiyyətli dərəcədə çirklənir. Artıq bu tullantılardan eko-asvalt hazırlamaq mümkün olacaq. Bu həm iqtisadi, həm də ekoloji cəhətdən səmərəlidir.
Layihənin müəllifləri Avropa Birliyinin rəhbərlərinin diqqətini bu məsələyə yönəldə biləcəklərinə ümid edirlər.
İspaniyada uğurla sınaqdan keçən eko-asvalta artıq Polşa höküməti də maraq göstərməyə başlayıb.
Qaynar.info
