Dünyanın ən böyük məscidi Xəzər dənizinin sahilində, Qaradağ rayonunda tikiləcək. Məscid "Xəzər Adaları" (Khazar Islands) bölgəsində inşa ediləcək. Layihəni "Avesta" inşaat konserni həyata keçirəcək.
Qaynar.info-nun "Новости-Азербайджан"ın verdiyi xəbərə görə, bu barədə layihənin rəhbəri Hacı İbrahim Nehrəmli məlumat verib.
Bu məscid Pakistanın paytaxtı İslamabad şəhərində yerləşən və hal-hazırda dünyanın ən böyük məscidi sayılan "Şah Feysəl Məscidi"ndən də böyük olacaq.
"Şah Feysəl Məscidi" böyüklüyünə görə "Ginnesin Rekordları Kitabı"na düşüb. Onun inşasına 1976-cı ildə başlanılıb və 1986-cı ildə yekunlaşıb. Məscidin sahəsi 5000 kvadrat metrdir və 74 min adam tutur. Bu məscidin tikintisinə 120 milyon ABŞ dolları xərclənib.
