Əfqanıstanda polis şöbəsinə hücum: 9 ölü, 8 yaralı

Əfqanıstanda Loqar vilayətində yerləşən polis mərkəzinə silahlı hücum təşkil edilib.

Qaynarinfo xarici KİV-ə istinadən xəbər verir ki, 3 terrorçu polis şöbəsinə girərək atəş açıb. Nəticədə terrorçular zərərsizləşdirilib, 6-sı polis olmaqla 9 nəfər dünyasını dəyişib, 8 nəfər isə yaralanıb. 

Hücumu Taliban terror təşkilatı öz üzərinə götürüb. 

Qeyd edək ki, ABŞ ötən həftə Əfqanıstanın cənubunda təşkil edilən əməliyyatda 50 Taliban terrorçusunun öldürüldüyünü açıqlayıb.