Şəkidə torpaq satmaq adı ilə dələduzluq əməlinə yol verməkdə təqsirləndirilən şəxsə hökm oxunub.
Qaynarinfo xəbər verir ki, Cinayət Məcəlləsinin 178.2.4-cü maddəsi ilə mühakimə olunan A.S. 2 il müddətinə azadlığın məhdudlaşdırılması cəzasına məhkum edilib.
İş materiallarından aydın olur ki, A.S. Şəki rayonunun Çeşməli kəndində yaşayan zərərçəkən T.V.-nin 7000 manat pulunu ələ keçirib.
A.S. zərərçəkmişə ailə üzvlərinə məxsus torpaq sahəsini satmağı vəd edib.
Zərəçəkmiş məhkəmədə bildirib ki, o, torpaq sahəsinə görə tələb olunan versə də, sonradan A.S-yə zəng çatmayıb. Bu baxımdan, T.V. polisə şikayət edib.
A.S. şübhəli şəxs qismində saxlanılıb. Daha sonra ona Cinayət Məcəlləsinin 178.2.4-cü maddəsi ilə ittiham elan edilib və barəsində başqa yerə getməmək haqqında iltizam qətimkan tədbiri seçilib.
Məhkəmə prosesi zamanı A.S. verilmiş ittiham üzrə özünü təqsirli bilib.
Seyid
