Hakim Yeni Azərbaycan Partiyasının (YAP) qurucularından olan sabiq əmək və əhalinin sosial müdafiəsi naziri Əli Nağıyev belində yaranan problemlə əlaqədar Türkiyənin İstanbul şəhərində yerləşən xəstəxanalardan birinə yerləşdirilib.
Bu barədə "publika.az"-a açıqlamasında Ə.Nağıyevin qardaşı Muxtar Nağıyev məlumat verib.
Ə.Nağıyevin bir müddət əvvəl belindən əməliyyat oldunduğunu vurğulayan M.Nağıyev deyib: "Ə.Nağıyev belinin əməliyyat olunan hissəsindən narahatlıq hiss etdiyi üçün İstanbulda yerləşən xəstəxanaya müalicəyə göndərilib. Hazırda həmin xəstəxanada müalicə alır, vəziyyəti normaldır. İnşallah, yaxın günlərdə müalicəsini bitirib sağ-salamat Azərbaycana qayıdacaq".
Xatırladaq ki, Ə.Nağıyev Yeni Azərbaycan Partiyasını yaradan 91 nəfərdən biridir. O, 1996-2006-cı illərdə Azərbaycanın əmək və əhalinin sosial müdafiəsi naziri, 2006-2011-ci illərdə Azərbaycanın Belarusda səfiri, 2009-2011-ci illərdə isə həm də Azərbaycanın Müstəqil Dövlətlər Birliyinin (MDB) nizamnamə və digər orqanları yanında daimi səlahiyyətli nümayəndəsi olub.
Qaynar.info
