Elvinin matçı yarımçıq dayandırıldı

Türkiyə 1-ci Liqasının 10-cu turunda “Ümraniyespor”la “Boluspor” arasında keçirilən qarşılaşma güclü yağış səbəbindən dayandırılıb.

Qaynarinfo xəbər verir ki, matçın 70-ci dəqiqəsində oyunun davam etdirilməsi mümkün olmayıb. Həmin vaxt “Boluspor” 1:0 hesabı ilə öndə olub.

Qarşılaşmanın nə vaxt davam etdiriləcəyi ilə bağlı əlavə məlumat veriləcək.
Qeyd edək ki, “Boluspor”da çıxış edən Azərbaycanın millisinin sabiq üzvü Elvin Yunuszadə bu matçın ehtiyat oyunçular siyahısında yer alıb.