FİFA DÇ-2026-nın formatını müəyənləşdirib.
Qaynarinfo xəbər verir ki, turnirə ABŞ, Meksika və Kanada birgə ev sahibliyi edəcək. Oyunlar ümumilikdə 16 fərqli şəhərdə oynanılacaq.
Formata gəlincə DÇ-2026-da 48 komanda iştirak edəcək. Onlar 4 komandadan ibarət 12 qrupda mübarizə aparacaq. Hər qrupun ilk 2 komandası və üçüncü yeri tutmuş ən yaxşı 8 kollektiv pley-off-a vəsiqə qazanacaq. 39 gün davam edəcək turnirdə ümumilikdə 104 qarşılaşma baş tutacaq.
Amerika qitəsində keçiriləcək mundialın final matçının 2026-cı il iyulun 19-da oynanılması planlaşdırılır.
Dünya çempionatında iştirak sayı 32-dən 48-ə yüksəlsə də; Avropa qitəsindən turnirə gedən iştirakçıların sayı dəyişməyib. Əvvəlki turnirlərdə olduğu kimi, Avropadan final mərhələsinə 16 komanda yollanacaq.
Səbuhi Həsənov
