Bu gün Gəncə şəhərində qəsdən adam öldürməyə cəhd göstərilib. Gəncə şəhər Baş Polis İdarəsindən Lent.az-a verilən məlumata görə, Gəncənin “Kolxoz” bazarı kimi tanınan mərkəzi bazarında 1990-cı il təvəllüdlü Rəşad Sarif oğlu Süleymanov 1975-ci il təvəllüdlü Eyvaz Daşdəmir oğlu Hüseynova çoxsaylı bıçaq zərbələri endirib. Bədəninin 8 yerindən daxilə keçən bıçaq yarası diaqnozu ilə xəstəxanaya yerləşdirilən E.Hüseynovun vəziyyəti kritikdir.
İlkin məlumata görə, hər iki şəxs bazarda işləyirmiş.
Fakta görə Gəncə şəhər Prokurorluğunda Cinayət Məcəlləsinin 29.120.1-ci (qəsdən adam öldürməyə cəhd) maddəsi ilə iş başlanılıb.
Qaynar.info
