"Göyçay Aqrotexservis" Açıq Səhmdar Cəmiyyəti (ASC) barəsində protokol tərtib edilib.
Qaynarinfo-nun məlumatına görə, Mərkəzi Bank tərəfindən tərtib olunan protokol İnzibati Xətalar Məcəlləsinin 548.1-ci (Müvafiq icra hakimiyyəti orqanının yaratdığı qurumun fəaliyyətinə mane olma) maddəsi ilə yazılıb və işə məhkəmədə baxılıb.
Məlum olub ki, Mərkəzi Bankın əməkdaşları tərəfindən yoxlamaların keçirilməsinə ASC tərəfindən maneçilik törədilib. ASC-nin İnzibati Xətaları Məcəlləsinin 548.2-ci maddəsində nəzərdə tutulan inzibati xətanı törətməsi tam sübuta yetirilib.
Məhkəmənin qərarı ilə "Göyçay Aqrotexservis" ASC-yə 1500 manat məbləğdə cərimə təyin edilib.
Qeyd edək ki, nizamnamə kapitalı 836938 manat olan ASC-nin qanuni təmsilçisi Abdullayev Şamil Paşa oğludur.
Aydın
