Texnologiya 15:23 15.11.2022

"Google" istifadəçilərin gizli geolokasiyası üçün 391,5 milyon dollar ödəyəcək

"Google" xidmətlərinin sahibi olan "Alphabet Inc.", 2014-2020-ci illər ərzində şirkətin xidmətlərində istifadəçi hərəkəti məlumatlarının qeydə alındığı halda ABŞ-ın 40 ştatının iddialarını həll etmək üçün 391,5 milyon dollar ödəyəcək.

Qaynarinfo xəbər verir ki, bu barədə "Rosbalt" "Financial Times"a istinadla məlumat yayıb.

Nəşrin yazdığına görə, şirkət onun xidmətlərinin mobil qurğuların istifadəçilərinin hərəkəti haqqında məlumatları qeydə alması, hətta onlar geolokasiyanı söndürsələr də, hərəkətlərin tarixini saxlaması ilə diqqət çəkiblər. Məhkəməyə müraciət edən dövlətlərin nümayəndələri iddia ediblər ki, "Google" bu məqsədlər üçün axtarış xidmətindən, "Google Xəritələr" tətbiqindən, Wi-Fi və Bluetooth-dan istifadə edir.

"Google" bildirib ki, şirkət bir neçə il əvvəl bu cür təcrübələrdən imtina edib və bu yaxınlarda istifadəçilərin məkan məlumatlarına nəzarət etmək üçün öz xidmətlərinə yeni funksiyalar, o cümlədən bu məlumatı silmək üçün alətlər əlavə edib.

Alpər