Sabiq deputat Gülər Əhmədova "Lider” kanalında veriliş aparacaq.
Keçmiş deputatın aparıcılıq edəcəyi hüquq verilişi yaxın günlərdə efirə çıxacaq.
Sabiq millət vəkili kult.az-a açıqlamasında verilişlə bağlı bütün detalları "Lider TV"nin yayacağını deyib.
"Lider TV"nin mətbuat katibi Sədan Bünyadova məlumatı təsdiqləyib və bildirib ki, verilişin nə zaman yayıma gedəcəyi hələ bəlli deyil:
"Hazırda verilişin anonsları hazırlanır".
Qeyd edək ki, G.Əhmədova Milli Məclisin dördüncü çağırış seçkilərində Bakı şəhərinin Xətai rayonundan deputatlığa namizədliyini irəli sürüb və üçüncü dəfə deputat seçilib.
