“İstintaqa ifadə verən zaman Fransada "ksero" səs və videonun keçmədiyini, Fransaya gedib Elşadı orada məhkəməyə vermək istədiyimi dedim”.
Ans press-in verdiyi xəbərə görə bu sözləri Bakı Ağır Cinayətlər məhkəməsində baş tutan məhkəmə prossesi zamanı sabiq deputat Gülər Əhmədova söyləyib.
Adı ADU-nun keçmiş rektoru Elşad Abdullayevlə rüşvət qalmaqalında hallanan Sevinc Babayeva Türkiyəyə getdikdən sonra onun ailəsinin yanına gəldiyini və 20 min manat məbləğində onlara pul verdiyini söyləyib: “Sevinc ürək xəstəsi idi, əməliyyatına çoxlu pul lazım idi”.
Prokurorun “Sevincin Türkiyədə hansı adla yaşadığını bilirdinizmi sualına” isə sabiq deputat məlum videolardan sonra Sevinci yeni tanıdığını 2-ci bir insanla qarşılaşdığını deyib.
Prokurorun, nüfuzlu bir millət vəkili kimi E. Abdulayevin ofisində nə işi olması barədə suala isə sabiq deputat, "Seçicilərimin maraqları üçün" - deyə cavab verib. G. Əhmədova həmçinin Elşad Abdullayevi yaxşı tanımağdığnı vurğulayıb.
Məhkəmədə şahid qismində 4 nəfər şəxs iştirak edib. Şahid Şirvanova Tavat Bayram qızı 1997-2010-ci illər arası Beynəlxalq Universitetdə işlədiyini, Elşad Abdullayevin ona və ailəsinə ciddi ziyan vurduğunu söyləyib. Amma məhkəmə zamanı söyldikləri ifadələr ilə bir müddət bundan əvvəl istintaqa verdiyi ifadələr üst-üstə düşmədiyini görən Şirvanova Tavat ifadəsini inkar edib: “O ifadələr kompüterlə yığılıb. Mən Elşad Abdullayenin deputat seçilmək üçün Gülərə pul verməsi və bunu sonradan geri tələb etməsi barədə heç nə deməmişəm. Mən bu ifadələrə oxumadan qol çəkmişəm”.
Qaynar.info
