İstanbuldakı terrora görə Türkiyəyə yollana bilməyən azərbaycanlı futbol hakimlərinin məsələsi çözülüb.
Qaynarinfo.az-ın əldə etdiyi məlumata görə, FİFA referimiz Orxan Məmmədov və onun briqadası Yaşar Abbasov, Mübariz Haşımov və Ömər Paşayev Sloveniyaya yollanmalı idi. Məmmədov Avropa Liqasının I təsnifat mərhələsi çərçivəsində sabah “Domjale” (Sloveniya) – “Lusitans” (Andorra) qarşılaşmasını idarə etməlidir.
Lakin Sloveniyaya uçuş İstanbuldakı terrora görə dünən baş tutmayıb. Belədə UEFA hakimlərimiz üçün başqa variant təklif edib. Belə ki, 4 azərbaycanlı hakim Sloveniyaya daha uzun marşrut olan "Aeroflot" şirkətinə məxsus təyyarə ilə Bakı - Moskva - Venesiya - Lyublyana reysindən yararlanacaqlar.
Qeyd edək ki, Avropa Liqasının I təsnifat mərhələsi çərçivəsində sabah “Slaviya” (Bolqarıstan) – “Zaqlebiye” (Polşa) oyununda iş başında olacaq digər 4 hakimimiz - Əliyar Ağayev, Zeynal Zeynalov, Rza Məmmədov və Rəhim Həsənov isə Bolqarıstana İstanbulda eniş etməklə yola düşəcəklər.
Qaynarinfo.az
