Buz üstü hokkey çempionatı olan NHL-də qeyri-adi hadisə baş verib.
Qaynarinfo.az xəbər verir ki, Stenli Kubokunun pley-off matçında "Vaşinqton Kapitalz" "Pitsburq"la üz-üzə gəlib.
II perioddakı mübarizələrdən birində "Pitsburq"un müdafiəçisi Kris Letanqın hokkey çubuğu rəqib oyunçu Cey Biqlın dəbilqəsinə girib. Letanq oyuna çubuqsuz davam edib. Biql isə çubuğu çıxarmaq üçün texniki heyətə müraciət etməli olub.
Oyundan sonra Biql bu haqda jurnalistlərə bunları deyib: "İnana bilmirdim ki, bu, çubuqdur. Mən oyuna davam edə bilməyim üçün onu bir neçə dəfə çıxarmağa çalışdım. Ancaq bacarmadım. Onda mən ehtiyat oyunçular skamyasına getdim. Belə şey görməmişdim".
