Çindən İtaliyaya gedən qatar Azərbaycandan keçəcək

Çin sayca mininci yük qatarını Çin-Avropa marşrutu ilə yola salıb.

Qaynarinfo Trend-ə istinadən xəbər verir ki, qatar Sintszyan-Uyğur muxtar rayonundan yola düşüb.

Azərbaycan ərazisindən keçəcək qatar Xəzər dənizində Ro-Ro tipli gəmi ilə Ələt Beynəlxalq dəniz ticarət limanına gələcək və oradan Gürcüstana yola düşəcək. Qatar vasitəsilə Neapol şəhərinə yük çatdırılacaq.

10,5 min kilometrlik məsafənin 25 günə qət olunacağı nəzərdə tutulur.