Qətərdə təşkil olunan futbol üzrə dünya çempionatında bu gün daha bir oyun keçirilib.
Qaynarinfo xəbər verir ki, günün ilk matçı B qrupunda İngiltərə və İran arasında baş tutub. Dohadakı "Xəlifə" stadionunda keçirilən görüş infilislərin böyük hesablı qələbəsi ilə yekunlaşıb - 6:1.
Qeyd edək ki, günün ikinci oyununda A qrupunda Niderland və Seneqal milliləri qarşılaşacaq. Matç Bakı vaxtı ilə saat 20.00-da start götürəcək. Bu qrupun birinci oyununda Ekvador meydan sahibi Qətəri 2:0 hesabı ilə yenib.
Nəhayət günün son matçında ABŞ Uelslə üz-üzə gələcək. "Əhməd ibn Əli" stadionunda keçiriləcək görüş Bakı vaxtı ilə saat 23:00-da start götürəcək.
DÇ-2022
21 noyabr
B qrupu
İngiltərə - İran 6:2
Qollar: Cud Bellingem, 35. Bukayo Saka, 43; 62. Rahim Sterlinq, 45+1. Markus Raşford, 71. Cek Qriliş, 90 - Mehdi Taremi, 65: 90+13.
Baş hakim: Rafael Klaus (Braziliya).
"Xəlifə" stadionu.
