Qaynarinfo.Az-ın verdiyi xəbərə görə, iqtisadçı ekspert Rövşən Ağayev sosial şəbəkədə məktəb ləvazimatının bahalığından yazıb. Ekspert məktəb ləvazimatlarının əməkhaqqıya uyğun olmamasını vurğulayıb:
"Evdəki şagirdlər üçün məktəb ləvazimatları aldım. Təxminən hər uşaq üçün 40 manat lazımdır. Bu məbləğ Statkomun elan elədiyi orta aylıq rəsmi əmək haqqının 10%-nə yaxındır.
Dünən delfi saytı 3 Baltik ölkəsində bu xərcləri hesablayıb. Məlum olub ki, həmin ölkələrdə 28-30 avro arasında vəsait tələb olunur.
Amma, məsələn Estoniyada hazırda orta aylıq əmək haqqı 1165 avrodur. Yəni bu əmək haqqının cəmi 2.5%-i ilə məktəb ləvazimatı almaq olar.
Yeri gəlmişkən, bizdə ən ucuz dəftər 11, ən bahası 35 avrosentdir. Yəni orta qiyməti 20 avrosentdən bahadır. Amma aşağıdakı linkdə görəcəksiniz, Estoniyada dəftərin orta qiyməti 6 avrosentdir.
Orta azərbaycanlının aldığı əmək haqqı (250 avro) orta estonun əmək haqqısından (1165) təxminən 5 dəfə azdır. Amma orta azərbaycanlı ilə orta estonun məktəb ləvazimatına çəkdiyi xərc də təxminən eynidir (25-30 avro).
Azərbaycan iqtisadiyyatının daimi problemidi bu - gəlirlər az, qiymətlər baha. Buna deyirlər - gəlirlərdə afro, qiymətlərdə avro standart"
Pərvin Zeynal
Qaynarinfo.Az
