"İşğaldan
azad olunan rayon, kənd və qəsəbələrin sakinləri ancaq müharibə başa şatandan
sonra öz ata-baba yurduna qayıda bilər”.
BunuQaynarinfo-ya açıqlamasında hərbi ekspert Emin Həsənli deyib. O bildirib ki,
işğaldan azad olunan ərazilərin sakinlərinin tez bir zamanda ata-baba yurduna
qayıtmaq istəyi qururvericidir:
"Bu,
başa düşülən hisslərdir. Müharibə başa çatacaq, bütün ərazilər minalardan təmizlənəcək.
Təmizlik işləri başa çatandan sonra quruculuq işlərinə başlanılacaq. İşğal
olunmuş ərazilərdə bütün infrastruktur dağılıb. İnfrastruktur bərpa
olunmalıdır, şəhər, kənd və qəsəbələrdə məktəb, xəstəxana, uşaq bağçaları,
mağazalar, mədəniyyət evləri tikiləcək. Bir sözlə, hər şey bərpa olunandan
sonra dövlət işğal olunan ərazilərin sakinlərinə öz ata-baba yurduna qayıtmaq
üçün dəstək olacaq. Dövlət bütün insanlara dəstək olacaq ki, onlar qısa zamanda
təsərrüfat işləri ilə məğul ola bilsinlər”.
Ekspert
qeyd edib ki, işğal olunan ərazilərin sakinlərinin ata-baba yurduna tez
qayıtmaq istəyi başa düşüləndir:
"Onların
arzuları var, 30 ildir ordan çıxıblar. Hər kəs ata-baba evini görmək istəyir.
Bunlar qəbul ediləndir və yüksək qiymətləndirilir. İnsanlar öz yudlarının həsrətindədir,
ancaq qərarı dövlət verir. Müharibə başa çatandan sonra bununla bağlı qərar
olacaq. Müharibə bitməmiş orada quruculuq işlərinə başlamaq olmaz”.
Bahar
Rüstəmli
