Dünya 18:32 15.02.2023

"İsveç və Finlandiya Türkiyənin bütün şərtləri yerinə yetirib" - Stoltenberq

İsveç və Finlandiya 2023-cü ilin payızına kimi NATO-ya daxil olmalıdır, çünki ölkələr Türkiyənin bütün tələblərini yerinə yetiriblər.

Qaynarinfo "Kommersant"a istinadən xəbər verir ki, bunu NATO-nun Baş katibi Yens Stoltenberq bildirib.

Macarıstan və Türkiyə istisna olmaqla, bütün NATO ölkələri artıq bu ölkələrin assosiasiyaya daxil olması ilə bağlı sənədləri ratifikasiya ediblər.

"Mən onların hər iki ölkə üçün sənədlərin eyni vaxtda ratifikasiyası etməsinə fəal şəkildə çalışıram. Sabah mən Türkiyəyə uçuram, o cümlədən bu məsələni müzakirə etmək üçün”, deyə Stoltenberq Şimali Atlantika Şurasının iclasından sonra jurnalistlərə bildirib.

Eyni zamanda o vurğulayıb ki, indi hər şey Türkiyədən asılıdır:

"Onlar mənim tövsiyə etdiyim kimi hər iki protokolu bir anda ratifikasiya etmək qərarına gələcək, yoxsa əvvəlcə yalnız bir sənədi ratifikasiya edəcək. Bu, NATO-nun deyil, Türkiyənin qərarı olacaq”.

Fevralın 11-də Finlandiya prezidenti Sauli Niinistö ölkəsinin və İsveçin iyul ayına qədər NATO-ya üzv ola biləcəyini bildirib. Onun fikrincə, Şimali Avropa ölkələrinin Alyansa daxil olmaları Türkiyə prezidenti Rəcəb Tayyib Ərdoğandan asılıdır.

Türkiyə iki ölkənin Alyansa qoşulması prosesini əngəlləyib, onlardan kürd təşkilatlarını terrorçu elan etməyi və Ankaranın cinayətkar hesab etdiyi şəxslərin ekstradisiyasını tələb edib. İsveçdə Quranın yandırılmasından sonra Rəcəb Tayyib Ərdoğan Finlandiyaya İsveçdən daha tez razılıq verə biləcəyini deyib.

Nizami Bağırov