İtaliya A Seriyasında iştirak edəcək klubların sayının azalacağı gözlənilir.
Qaynarinfo.Az xəbər verir ki, bu barədə İtaliya Futbol Federasiyasının prezidenti Karlo Tavekkio məlumat verib.
O deyib ki, yüksək liqada oynayan klubların sayı 20-dən 18-ə endirilə bilər: "Bu, baş verəcəyi təqdirdə, çempionatın səviyyəsi artacaq. Yaxın günlərdə bununla bağlı müzakirələrimiz olacaq. Bu dəyişikliyi qarşıdakı 4-5 il ərzində həyata keçirmək lazımdır".
Qeyd edək ki, Avropa futbol çempionatlarından İngiltərə, İspaniya və İtaliya elitasında maksimum sayda - 20 komanda mübarizə aparır.
Qaynarinfo.Az
