“Dolce & Gabbana” 2026-cı ilin payız-qış kişi kolleksiyası üçün hazırladığı yeni reklam kampaniyasında dəbdəbəli İtaliya estetikasını daha zərif və müasir üslubda təqdim edir.
Qayanrinfo xəbər verir ki, moda evi kəskin dərzilik xəttini kinematoqrafik zərifliklə birləşdirərək klassik rəsmi geyim qaydalarına innovativ yanaşma nümayiş etdirir.
Minimalist dekorasiyada önə çıxan siluetlər
Məşhur fotoqraf Stiven Meyselin çəkdiyi və stilist Karl Templerin rəhbərlik etdiyi kampaniyada minimalist fon seçilib. Vizual təqdimatı sadələşdirən “Dolce & Gabbana” bununla brendin imza xarakterli biçimlərini və ifadəli siluetlərini əsas diqqət mərkəzinə gətirib.
San və dünya şöhrətli modellər bir arada
Kampaniyanın simaları arasında Cənubi Koreyalı müğənni Sanla yanaşı, məşhur modellər Əkbər Şamci, Kilian Zoygin, Ris Nelson, Ruben Ayello və Kit Batler də yer alıb.
İtalyan zərifliyini və dramatik üslubu əks etdirən heyət kəskin biçimli smokinlər, fərdi tikilmiş geyimlər və diqqətçəkən üst geyimləri ilə kamera qarşısına keçib.
Arxaya daranmış saç düzümləri ilə çəkilişlərdə nostalji və kinematoqrafik qlamur ab-havası yaradılıb. Kampaniya “Dolce & Gabbana”nın köklü İtaliya dərzilik irsini müasir moda dünyasının çağdaş dili ilə birləşdirir.
Aydın
Şərhlər