Xəbər verdiyimiz kimi, Fransada keçiriləcək futbol üzrə Avropa çempionatını Azərbaycanda İTV və "CBC Sport" telekanalları müştərək canlı yayımlayacaq.
Qaynarinfo.az xəbər verir ki, əsas yayımçı İTV-dir. Lakin bu 2 telekanal arasındakı müqavilə şərtlərinə görə, 23 oyunu İTV, qalan 28 matçı isə "CBC Sport" canlı göstərəcək.
Artıq İTV-nin canlı göstərəcəyi bəzi oyunlar müəyyənləşib. Bura açılış, 1/4 finalın bütün oyunları, hər iki yarımfinal və final da daxildir. Digər matçlara gəlincə, İTV hər oyun günü 1 görüşü yayımlayacaq. Gun ərzində keçiriləcək oyunların ilk seçim hüququ İTV-yə məxsusdur. Artıq qrup mərhələsinin ilk 2 turu üçün Fransa - Rumıniya, İngiltərə - Rusiya, Türkiyə - Xorvatiya, Belçika - İtaliya, Portuqaliya - İslandiya, Fransa - Albaniya, Almaniya - Polşa, İspaniya - Türkiyə və Portuqaliya - Avstriya oyunları sifariş edilib. 3-cü tur və 1/8 final qarşılaşmaları isə çempionat zamanı hadisələrin gedişatından asılı olaraq seçiləcək.
Qaynarinfo.az
