Gununsesi.info saytının baş redaktoru Pərviz Həşimli polis tərəfindən saxlanılıb.
Bu barədə məlumatı Qaynarinfo.Az-a jurnalist Mürtəza Bünyadlı verib:
"Pərviz Həşimli hazırda Nərimanov rayon 16-cı polis bölməsindədir".
Jurnalistin sözlərinə görə, buna səbəb sabiq milli təhlükəsizlik nazirinin müavini Hilal Əsədovun sürücüsü və yoldaşı Nüşabə Əsədovanın Pərviz Həşimlininin maşınına hücum etməsi olub: "Pərviz Həşimlini tanıyıblar və onun maşının üzərinə digər bir maşınla hücum ediblər. Ona qarşı qeyri-etik ifadələr işlədilib və fiziki güc tətbiq ediblər".
Mürtəza Bünyadlı onu da əlavə edib ki, hadisə 16-cı polis bölməsinə yaxın yerdə olduğundan onlar həmin bölməyə aparılıb. Hazırda vəziyyətlə bağlı araşdırma aparılır və ifadələri alınır.
Qaynarinfo.Az
