Deputat Etibar Hüseynovun məcburu köçkünləri təhqir etməsi ilə bağlı qalmaqal səngimir.
Artıq məcburi köçkünlər deputatın üzr istəməyəcəyi təqdirdə aprelin 5-də Milli Məclisin binası qarşısında aksiya keçirəcəklər.
Qaynar.info xəbər verir ki, bu haqda Avropa.info-ya Qubadlı rayonundan olan məcburi köçkün Ağaşirin Baxşəliyev məlumat verib. Onun dediyinə görə, məcburi köçkünlər Etibar Hüseynovun üzr istəməsini tələb edirlər. "Etibar Hüseynov ya parlamentin sonuncu iclasında, ya da telekanalların birində xalqdan üzr istəməlidir. Bu baş verməyəcəyi təqdirdə aprelin 5-də Milli Məclisin binası önündə etiraz aksiyası keçirəcəyik".
Qaynar.info
