Yaponiya tarixinin ən böyük teraktının müəllifi olan Şoko Asahara edam edilib.
Qaynarinfo xarici KİV-ə istinadən xəbər verir ki, Asahara "Aum Şinrikyo" təriqətinin rəhbəri idi. O, 1995-ci ildə Tokio metrosunda zarin qazından istifadə edərək terror aktı törətmiş, 13 nəfərin ölümünə, 6 min nəfərin yaralanmasına səbəb olmuşdu. Şoko ilə birlikdə təriqətin 6 üzvü də edam edilib, digər 6 nəfərə isə ömürlük həbs cəzası verilib.
Qeyd edək ki, "Aum Şinrikyo" 1980-ci illərdə Hinduizm və Buddizmin sintezi ilə yaradılıb. Şoko Asahara özünü Buddadan sonra ilk aydınlanmış şəxs və İsa Peyğəmbər elan edib. Yaponiyada 1989-cu ildə hüquqi status əldə edən və on minlərlə dəstəkçisi olan təriqət daha sonra dünyada terrorçu qrup kimi qəbul edildi.
Gülşən
