İspaniyanın “Barselona” klubunun futbolçusu Lionel Messi Çempionlar Liqasının rekorduna imza atıb. Apasport.az saytının məlumatına görə, qrup mərhələsinin 1-ci turunun “Ayaks”la oyununda 3 qol vuran argentinalı yarışın tarixində ən çox het-trik müəllifi olan futbolçu adına yiyələnib.
Belə ki, Lionel Çempionlar Liqasında 4-cü dəfə 1 matça 3 qol vurub. Bununla da cənubi amerikalı hücumçu almaniyalı Mario Qomeslə italiyalı Filippo İnzagini arxada qoyub. Bu 2 oyunçunun hərəsi 3 dəfə het-trik etməyi bacarıb.
Bundan başqa, Messi qitənin ən nüfuzlu klub turnirindəki qollarının sayını 62-yə çatdırıb. Bununla da argentinalı 71 qol vuran əfsanəvi Raul Qonsalesin rekorduna bir az da yaxınlaşıb. Hazırda Lionelə rekord üçün 9 qol çatmır.
