Avropa çempionatının final mərhələsində iştirak edəcək qadın voleybolçulardan ibarət Azərbaycan milli komandası çempionata hazırlığını davam etdirir.
Voleybol Federasiyasından Qaynarinfoya verilən məlumata görə avqustun 1-7 də Macarıstanda təlim-məşq toplanışı ilə bərabər "Savaria” beynəlxalq turnirində də iştirak edən millimiz avqustun bu gün Bosniya və Herseqovinaya yola düşüb.
Voleybolçularımız hazırlıq planına uyğun olaraq təlim-məşqləri Bosniya və Herseqovinada davam edəcəklər. Vüqar Əliyevin rəhbərlik etdiyi komanda avqustun 16-da təlim-məşq toplantılarına yekun vuracaq və bir gün sonra çempionatın keçiriləcəyi Serbiyanın Belqrad şəhərinə yollanacaq.
A qrupunda yarışacaq komandamızın rəqibləri ev sahibi Serbiya ilə yanaşı, Belçika, Rusiya, Fransa, Bosniya və Herseqovina yığmaları olacaq.
Millinin oyunlarının təqvimi
20 avqust
17:00. Azərbaycan - Belçika
21 avqust
18:00. Azərbaycan – Bosniya və Herseqovina
22 avqust
17:00. Rusiya – Azərbaycan
24 avqust
20:00. Azərbaycan - Serbiya
25 avqust
17:00. Fransa – Azərbaycan
Səbuhi Həsənov
