Azərbaycan milli komandası futzal üzrə Avropa çempionatının final mərhələsinə vəsiqə qazanıb. Qaynar.info xəbər verir k, millimiz əsas seçmə mərhələnin son oyununda Slovakiya yığmasını 2:1 hesabı ilə məğlub edib. Slovakiya yığmasının qapısından topları Biro Jade və Namiq Məmmədkərimov keçirib.
Komandamız qrupda keçirdiyi ilk oyunda Norveç yığmasını 6:0, ikinci qarşılaşmada isə Bosniya və Herseqovina millisini 3:2 hesabı ilə məğlubiyyətə uğratmışdı. Beləliklə, millimiz 2014-cü il yanvarın 28-dən fevralın 8-dək Belçikanın Antverpen şəhərində təşkil olunacaq Avropa çempionatının final mərhələsinə maksimum nəticə ilə, qrup birincisi olaraq vəsiqə əldə edib.
Qaynar.info
