Millimiz İtaliyaya belə uduzdu - FOTO / VİDEO

AVRO-2016-nın seçmə mərhələsində növbəti oyunlar keçirilib. Sport7.Az xəbər verir ki, Azərbaycan milli komandası səfərdə meydana çıxıb.

Yığmamızın rəqibi İtaliya olub. Palermodakı Renzo Barbera stadionunda keçirilən qarşılaşmada 3 qol qeydə alınıb. Hesabı 44-cü dəqiqədə Corcio Kyellini açıb. 77-ci dəqiqədə italyanları məyus edib millimizi sevindirən bu futbolçu avtoqol müəllifi olaraq bərabərliyi təmin edib. Lakin meydan sahiblərinin bu "fədakarlığı" da Berti Foqtsun səfərdə İtaliya ilə heç-heçə edib qəhrəmana çevirilməsinə imkan verməyib. Belə ki, Kyellini 82-ci dəqiqədə günahını yuyaraq qələbə qolunu vurub.

Qeyd edək ki, İtaliya və Azərbaycan milliləri bundan əvvəl AVRO-2004-ün seçmə mərhələsində qarşılaşıb. Bakıda 2:0 hesablı qələbə qazanan italyanlar evdə darmadağına sevinib - 4:0. Həmin vaxt bu komandaya oynamış futbolçulardan yalnız Rəşad Sadıqov bu dəfə də meydana çıxıb. İtaliyada isə Canluici Buffon və Andrea Pirlo yenidən komandamıza qarşı oynayıb.

Onu da qeyd edək ki, millimiz ilk oyunda Bolqarıstana 1:2 hesabı ilə yenilib. Bu gecə H qrupunda daha iki oyun baş tutub. Novreç Maltanı 3:0, Xorvatiya Bolqarıstanı 1:0 hesabı ilə yenib.

AVRO-2016
Seçmə mərhələ
H qrupu

10 oktyabr
İtaliya - Azərbaycan 2:1
Qollar: Corcio Kyellini, 44; 82 - Corcio Kyellini, 77 (avtoqol).

Qaynar.info