Kişi taekvondoçulardan ibarət millimiz Bakıda keçirilən komandalararası dünya çempionatının qalibi olub.
Qaynarinfo.Az xəbər verir ki, yarımfinalda türkiyəli həmkarlarını üstələyən (33:3) dayanq ustalarımız həlledici görüşdə Koreya Respublikasına 21:5 hesabı ilə qalib gələrək, ardıcıl 2-ci dəfə bu uğura yiyələnib.
Komandamız bu uğuru Məhəmməd Məmmədov (63 kq), Ayxan Tağızadə və Sina Bahrami (hər ikisi -68 kq), Səid Quliyev (-74 kq), Milad Beiqi Hərçəqani (80 kq) və Radik İsayevdən (+87 kq) ibarət heyətlə qazanıb.
Qadınların yarışında finalda Çin və Koreya Respublikası qarşılaşıb. Bu döyüşdə də koreyalılar məğlub olub (4:6).
Xatırladaq ki, ötən il Meksikada təşkil olunmuş və Dünya Kuboku adlanan yarışda da kişi millimiz baş mükafata yiyələnmişdi.
Qaynarinfo.Az
