Voleybol üzrə kişilərdən ibarət Azərbaycan millisinin Avropa çempionatının təsnifat mərhələsindəki oyunlarının təqvimi bəlli olub.
Qaynarinfo xəbər verir ki, Pərviz Səmədovun rəhbərlik etdiyi komanda A qrupundakı ilk matçını avqustun 3-də Bakıda Danimarkaya qarşı keçirəcək. Voleybol Mərkəzindəki görüş saat 18:00-da başlayacaq.
Yığma 3 gün sonra eyni məkanda saat 18.00-da Türkiyə yığmasını qəbul edəcək.
Milli avqustun 17-də Türkiyənin, avqustun 20-də isə Danimarkanın qonağı olacaq.
Oyunlar Bakı vaxtı ilə saat 17:30-da və saat 19:00-da başlayacaq.
Səbuh Həsənov
Şərhlər