Avropa çempionatının əsas mərhələsində iştirak edəcək 19 yaşadək futzalçılardan ibarət millimizin baş məşqçisi Ağatahir Əzimovun səhhətində problem yaranıb.
Qaynarinfo-nun əldə etdiyi məlumata görə, mütəxəssis ürəyindən əməliyyat olunacaq. Əməliyyatın yaxın iki gün ərzində həyata keçiriləcəyi gözlənilir. Əsas mərhələ üçün təlim-məşq toplanışını davam etdirən millimizin hazırklıq prosesinə isə U-17-nin baş məşqçisi İlqar Aslanov rəhbərlik edir. Komandanı AÇ-nin oyunlarına da İlqar Aslanov çıxaracaq.
İlqar Aslanov
Qeyd edək ki, U-19 əsas mərhələdə Bosniya və Herseqovina, Fransa və Yunanıstanla eyni qrupda yer alıb. Bu qrupun oyunları martın 21-dən 26-dək Bosniya və Herseqovinanın Şiroki Briyeq şəhərində keçiriləcək.
Səbuhi Həsənov
