Misir Futbol Federasiyası ölkədə yaranmış vəziyyətlə əlaqədar təhlükəsizlik baxımından milli premyer liqasında mövsümün bütün futbol oyunlarını dayandırıb.
"BBC”nin verdiyi xəbərə görə, müvafiq qərar Misir Futbol Assosiasiyasının iyulun 11-də keçirilmiş iclasında qəbul olunub. Qərar ölkənin əsas divizionuna daxil olan əksər klublar tərəfindən dəstəklənib. Misirin öndə gedən "Əl-Əhli” və "Zamalek” klublarının Afrika Çempionlar Liqasında iştirak edib-etməyəcəyi hələlik sual altındadır.
Qeyd edək ki, Misir çempionatı 2012-ci ildə də yarım ildən çox müddətə dayandırılmışdı. Buna səbəb Port-Səid stadionunda 74 nəfərin ölümü ilə nəticələnən iğtişaşlar olmuşdu.//apa
Qaynar.info
