Moskva birjası bu gündən etibarən İsveçrə frankı ilə ticarəti dayandırmaq qərarına gəlib.
Qaynarinfo xəbər verir ki, bu barədə birjanın saytında dərc olunan məlumatda
deyilir.
Bildirilir ki, "məhdudiyyətlər İsveçrə frankı - rus rublu (CHFRUB) və ABŞ dolları - İsveçrə frankı (USDCHF) valyuta cütləri üçün birja və birjadankənar rejimlərdə spot və svop alətlərinə təsir edəcək”.
Moskva Birjasından açıqlanıb ki, "əməliyyatların dayandırılması İsveçrənin 2022-ci il iyunun 10-dan məhdudlaşdırıcı tədbirlərin görülməsi ilə əlaqədar ticarət iştirakçılarının və maliyyə infrastrukturlarının İsveçrə frankı ilə hesablaşmaların aparılmasında yaşadığı çətinliklərlə bağlıdır".
RİA Novosti qeyd edir ki, İsveçrə məhdudiyyətləri Aİ-nin altıncı paketi ilə üst-üstə düşür, yəni o, Rusiya neftinin tədarükünə tədricən embarqonun tətbiqini və üç Rusiya və bir Belarus bankının, o cümlədən Sberbank-ın SWIFT-dən ayrılmasını nəzərdə tutur.
Alpər
