Bakıda silahlı insident baş verib.
Sabunçu Rayon Polis İdarəsindən APA-ya verilən məlumata görə, hadisə dünən Nardaran qəsəbəsində baş verib.
Nardaran qəsəbə sakini Vasif Cabbarov xuliqanlıq zəminində ov tüfəngi ilə Maştağa qəsəbə sakini Anar Quliyevi güllələyib. Yaralı bud nahiyəsindən aldığı xəsarətlə xəstəxanaya yerləşdirilib. A. Quliyevə xəstəxanada ilkin tibbi yardım göstərildikdən sonra evə buraxılıb.
Hadisəni törədən V. Cabbarov isə Sabunçu Rayon Polis İdarəsinin 14-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində tutulub.
Qaynar.info
